वृत्तसंस्था/ लंडन
2022-23 प्रीमियर लीग फुटबॉल हंगामासाठी न्यू कॅसल युनायटेड फुटबॉल क्लबने इंग्लंडचा आंतरराष्ट्रीय गोलरक्षक नीक पॉपशी नवा करार केला आहे. नीक पॉप यापूर्वी बर्नेली क्लबकडून खेळत होता.
ब्रिटनच्या नीक पॉपने आतापर्यंत आठ आंतरराष्ट्रीय सामन्यात इंग्लंडचे प्रतिनिधीत्व केले आहे. 2019-20 कालावधीत पॉपची पीएफए प्रीमियर लीग संघामध्ये त्याची निवड केली होती. न्यू कॅसल युनायटेड संघाबरोबर पॉपने चार वर्षांचा करार केला आहे. यापूर्वी पॉपने 155 सामन्यांत बर्नेली क्लबचे प्रतिनिधीत्व केले होते.
