व्यायाम दरम्यान काही जण चुका करतात. या चुका किरकोळ वाटत असल्या तरी त्यामुळे चांगले रिझल्ट मिळत नाहीत. म्हणूनच योग्य पद्धतीने वर्कआऊट करणे गरजेचे आहे.
दररोज वर्कआउट करण्याबरोबरच डायटही चांगले असणे गरजेचे आहे.
- यानंतरचा महत्त्वाचा घटक म्हणजे झोप. ज्या मंडळींची चांगली झोप होत नाही, त्यांच्यात भूक वाढवणारे हार्मोन रिलीज होतात. भूक लागल्याने वाटेल ते खाण्याचा मोह होतो. परिणाम कॅलरी इंटेक वाढतो आणि वजन कमी होत नाही.
- काही संशोधनानुसार कमी झोपेमुळे मेटाबॉलिज्म संथ राहतो. म्हणून दररोज सात ते आठ तास चांगली झोप घेणे गरजेचे आहे.
- आणखी एक मुद्दा म्हणजे, एकाच प्रकारे व्यायाम. असे करत राहिल्यानेही अपेक्षित परिणाम पदरात पडत नाहीत आणि आपण नाराज होतो. त्यामुळे ट्रेनरच्या सल्ल्यानुसार व्यायाम करत राहा आणि त्यात बदल करत राहा. वर्कआउटचा चांगला परिणाम येण्यासाठी आपली मर्यादा वाढवायला हवी.
- सर्वांत महत्त्वाचे म्हणजे, वर्कआऊटनंतर स्नायू रिकव्हरीसाठी वेळ द्यावा लागतो. काही जण आठवडय़ातील सातही दिवस व्यायाम करतात, हे चुकीचे आहे. सतत व्यायाम केल्याने बॉडी थकते.
- अशा वेळी विश्रांती न मिळाल्यास स्नायूंना वाढीसाठी वेळच मिळत नाही. म्हणूनच वर्कआऊट करत असताना आठवडय़ातून एक ते दोन दिवसाचा ब्रेक घ्या.
- या दिवशी बागेमध्ये फिरा, चाला. पोहायला जा.
