नाटोच्या बैठकीत प्रत्युत्तराची योजना

रशियाने युक्रेनवर आक्रमण केल्याने ‘नॉर्थ अटलांटिक ट्रीटी ऑर्गनायझेशन’ (नाटो) ही पश्चिम युरोपातील देश आणि अमेरिकेने दुसऱया महायुद्धानंतर स्थापन केलेली संघटना कार्यरत झाली आहे. या संघटनेची बैठक झाली असून रशियाला प्रत्युत्तर देण्याची योजना तयार करण्यात आली असल्याचे समजते. या संघटनेचे महत्वाचे सदस्य असलेल्या ब्रिटन, जर्मनी, फ्रान्स इत्यादी देशांनी आपली युद्ध विमाने सज्ज ठेवली असून वेळप्रसंगी रशियन सेनेवर हल्ला करण्याची तयारी केली आहे, अशी माहिती सूत्रांनी दिली. मात्र नाटोकडून अधिकृतरित्या अद्याप काहीही स्पष्ट करण्यात आलेले नाही. रशियाचा निषेध या संघटनेने शुक्रवारी केला आहे.