नव्या मद्य दुकानांना परवाने देण्याचा प्रस्ताव नाही : गोपालय्या

बेंगळूर : मागील महिन्यात आपण अबकारी खात्याची जबाबदारी स्वीकारली आहे. तेव्हापासून मद्यदुकाने सुरू करण्यासंबंधी नवे परवाने देण्याचा प्रस्ताव खात्यापुढे नाही, असे स्पष्टीकरण मंत्री के. गोपालय्या यांनी दिले. विधानसौध येथे खात्याच्या कार्यालयात आयोजित पत्रकार परिषदेत ते बोलत होते. आपण अबकारी खात्याची जबाबदारी स्वीकारून 22 दिवस उलटले आहेत. राज्यात नव्या मद्य दुकानांना नवे परवाने देण्याचा प्रस्ताव खात्यापुढे नाही. अलिकडेच जुन्या नियमाप्रमाणे सीएल-07 परवाने देण्यात येत आहेत. कायद्याचे उल्लंघन झाल्याचे आढळल्यास संबंधित मद्यविक्रेत्याचा परवाना रद्द तसेच जबाबदार अधिकाऱयाला निलंबित करण्यात येईल, असा इशाराही त्यांनी दिला.