सांगली / प्रतिनिधी
मंगळवारी जिल्ह्यात नवीन 16 रुग्ण वाढले तर पंधरा जण कोरणा मुक्त झाले एकूण रुग्ण संख्या 384 वर पोचली आहे तर उपचारातील रुग्णसंख्या 131 आहे उपचारातील पाच रुग्णांची प्रकृती चिंताजनक आहे.
जत तालुक्यातील बिळूर येथे सलग दुसऱ्या दिवशी सहा रुग्ण वाढले आहेत. त्यामुळे हे गाव कोरोनाचे हॉटस्पॉट बनले आहे. या गावात आत्तापर्यंत 18 हून अधिक रुग्ण आढळून आले आहेत. पलूस तालुक्यातील दुधोंडी येथील त्या ज्येष्ठ राजकीय नेत्यांच्या कुटुंबालाही कोरोनाची बाधा झाली आहे. त्यांच्या घरातील 5 जण कोरोना बाधित आढळून आले आहेत. तासगाव शहरात नवीन दोन रुग्ण वाढले, तर पलूस तालुक्यातील ब्रह्मनाळ येथे दोन रुग्ण वाढले आहेत. जिल्ह्यात मंगळवारी 15 जण कोरोनामुक्त झाले आहेत, ही गोष्ट जिल्ह्याला दिलासा देणारी आहे.
