सावंतवाडी/ प्रतिनिधी-
सावंतवाडी शहर स्वच्छ व सुंदर ठेवण्यात येतच आहे, आता श्रावण मास महिना सुरू होणार आहे. या धर्तीवर प्रथमच सावंतवाडी शहरात प्रत्येक प्रभाग निहाय धार्मिक सर्व स्थळे मंदिरे मशिद चा परिसर स्वच्छ व सुंदर बनवण्याचे काम आज बुधवारपासून हाती घेण्यात आले आहे. मंदिर परिसरात स्वच्छता मोहीम कर्मचाऱ्यांकडून सुरू करण्यात आल्याची माहिती सावंतवाडी नगरपालिकेचे आरोग्य सभापती सुधीर आडिवरेकर यांनी दिली.
यावेळी नगरसेवक मनोज नाईक उपस्थित होते शहरात सर्व प्रभाग निहाय स्वच्छता मोहीम राबवण्यात येत आहे. पण यंदा आरोग्य सभापती आडिवरेकर यांनी नाविन्य उपक्रम हाती घेतला आहे. श्रावण महिना सुरू होण्यास अवघे पाच दिवस शिल्लक राहिले आहेत. त्यामुळे श्रावण महिन्यात सर्व शहरातील मंदिरे स्वच्छ सुंदर परिसर ठेवण्याच्या दृष्टीने पावले उचलली आहेत. तसेच मशिद परिसरात ही स्वच्छता मोहीम राबवण्यात येत आहे.
