नंदिनी दूध पावडरची आता बांगलादेशला होणार निर्यात

बेंगळूर : राज्य सरकारने दुधाला देण्यात येणारे साहाय्यधन वाढविल्याने राज्यात मोठय़ा प्रमाणात दूध उत्पादन होत आहे. त्यामुळे कर्नाटक मिल्क फेडरेशनने आपल्या नंदिनी या ब्रॅन्डच्या दूध उत्पादनांची परराज्यात विक्री करण्यासाठी प्रयत्न केले आहेत. आता रामनगर जिल्हय़ातून नंदिनी दूध पावडरची बांगलादेशला निर्यात केली जात आहे. बांगलादेशकडून 500 टन दूध पावडरची मागणी झाली असून मंगळवारी 75 टन दूध पावडर असणारे तीन कंटेनर बांगलादेशकडे रवाना झाले. अलिकडेच कनकपूर येथील मेगा डेअरीकडून सिंगापूर, भुतानसह विविध देशांना दूध उत्पादने पाठविण्यात आली आहेत.