- सद्य स्थितीत 30 हजार पेक्षा अधिक रुग्णांवर उपचार सुरु
ऑनलाईन टीम / नागपूर :
नागपूरमध्ये दररोज दोन ते तीन हजारच्या टप्प्यात कोरोनाचे नवे रुग्ण आढळून येत आहे. त्यामुळे शहरात चिंताजनक परिस्थिती निर्माण झाली आहे. या पार्श्वभूमीवर नागपूरमधील निर्बंध 31 मार्चपर्यंत कायम ठेवण्यात आले आहेत.
दिवसेंदिवस वाढत असलेल्या रुग्ण संख्येमुळे नागरिकांमध्ये घबराट पसरली आहे. त्यातच नागपूरमध्ये आज दिवसभरात 3,596 नवे कोरोना संक्रमित रुग्णांची नोंद झाली. तर 40 जणांचा मृत्यू झाला आहे. त्यामुळे शहरात कोरोना रुग्णांची एकूण संख्या 1 लाख 96 हजार 676 वर पोहोचली आहे. सद्य स्थितीत 31,067 रुग्णांवर उपचार सुरु आहेत.
दरम्यान, आज दिवसभरात 1, 837 रुग्णांना डिस्चार्ज देण्यात आला. तर आतापर्यंत 1 लाख 60 हजार 945 रुग्ण कोरोनामुक्त झाले असून त्यांना घरी सोडण्यात आले आहे. कोरोनामुळे आतापर्यंत 4,664 जणांनी कोरोनामुळे आपला जीव गमवावा लागला.
