- सद्य स्थितीत 4,411 रुग्णांवर उपचार सुरु
ऑनलाईन टीम / नवी दिल्ली :
दिल्लीतील पुन्हा एकदा कोरोना रुग्णांची संख्या वाढताना दिसत आहे. मंगळवारी तीन महिन्यानंतर पहिल्यांदाच एक हजार पेक्षा अधिक रुग्ण आढळून आले. आरोग्य विभागाकडून मिळालेल्या माहितीनुसार, मागील 24 तासात दिल्लीत 1,101 नव्या कोरोना रुग्णांची नोंद झाली. तर 4 जणांचा मृत्यू झाला आहे. त्यामुळे दिल्लीतील कोरोना बाधितांची एकूण संख्या 6 लाख 49 हजार 973 वर पोहचली आहे. यामधील 4,411 रुग्णांवर विविध रुग्णालयात उपचार सुरू आहेत.
दिलासादायक बाब म्हणजे कालपासून 620 रुग्णांची प्रकृती सुधारली असून त्यांना घरी सोडण्यात आले आहेे. तर आतापर्यंत 6 लाख 34 हजार 595 रुग्ण कोरोनामुक्त झाले आहेत. तर आतापर्यंत 10,967 जणांचा कोरोनामुळे मृत्यू झाला आहे.
ताज्या आकडेवारी नुसार, दिल्लीत आतापर्यंत जवळपास 1 कोटी 39 लाख 74 हजार 132 टेस्ट करण्यात आल्या आहेत. त्यातील 52,099 आरटीपीसीआर टेस्ट आणि 32,138 रैपिड एंटिजेन टेस्ट करण्यात आल्या आहेत.
सद्य स्थितीत कोरोना संसर्गाचे प्रमाण 4.65 % आहे. तर 871 झोन आणि 489 कंट्रोल रूम आहेत.
