वृत्तसंस्था/ जोहान्सबर्ग
2020-21 च्या क्रिकेट हंगामासाठी क्रिकेट दक्षिण आफ्रिकेने 28 वषीय डी कॉकची दक्षिण आफ्रिका कसोटी संघाच्या कर्णधारपदी नियुक्ती केली आहे. गेल्या वषीच्या क्रिकेट हंगामात दक्षिण आफ्रिकेच्या वन डे संघाचे नेतृत्व डी कॉककडे सोपविण्यात आले होते.
दक्षिण आफ्रिकेच्या कसोटी संघाची जबाबदारी पार पाडण्यासाठी डी कॉक याची निवड चर्चेनंतरच करण्यात आली, अशी माहिती क्रिकेट दक्षिण आफ्रिकेचे संचालक ग्रीम स्मिथ यांनी दिली. 2020-21 च्या क्रिकेट हंगामात दक्षिण आफ्रिका तीन कसोटी मालिका खेळणार आहे. 26 डिसेंबरपासून दक्षिण आफ्रिका आणि लंका यांच्यात दोन सामन्यांची कसोटी मालिका होणार आहे. त्यानंतर दक्षिण आफ्रिका आणि पाक यांच्यात दोन कसोटी सामने खेळविले जातील. या मालिकेनंतर ऑस्ट्रेलियाबरोबर त्यांची कसोटी मालिका होणार असून या मालिकेचा कार्यक्रम अद्याप निश्चित करण्यात आलेला नाही. लंकेविरुद्धच्या कसोटी मालिकेसाठी दक्षिण आफ्रिकेने 15 जणांचा संघ जाहीर केला आहे. डी कॉकने यापूर्वी आठ वनडे, अकरा टी-20 सामन्यात दक्षिण आफ्रिकेचे नेतृत्व केले आहे. दक्षिण आफ्रिका कसोटी संघ- डी कॉक (कर्णधार), बहूमा, मार्करम, डु प्लेसिस, हेंड्रिक्स, एलगार, केशव महाराज, एन्गिडी, व्हॅन डर डय़ुसेन, एर्वि, नॉर्त्जे, स्टुरमन, मुल्डर, पीटरसन आणि व्हेरेनी.
