ऑनलाईन टीम / नवी दिल्ली :
देशात कोरोना रुग्णांची संख्या काही कमी होण्याचे नाव घेत नाही आहे. दिवसेंदिवस दैनंदिन रुग्ण संख्येत वाढ होताना दिसत आहे. मागील 24 तासात 39 हजार 097 नवे रुग्ण आढळून आले. तर 546 जणांचा मृत्यू झाला. त्यामुळे देशातील एकूण कोरोनाबाधितांची एकूण संख्या आता 3 कोटी 13 लाख 32 हजार 159 वर पोहचली आहे. तर आतापर्यंत 4,20,016 जणांनी आपला जीव गमावला आहे.
बुधवारी देशात 35 हजार 087 रुग्णांना डिस्चार्ज देण्यात आला. तर आतापर्यंत 3 कोटी 05 लाख 03 हजार 166 रुग्ण या आजारातून पूर्णपणे बरे झाले असून, त्यांना डिस्चार्ज देण्यात आला आहे. सध्या देशात 4 लाख 08 हजार 977 ॲक्टिव्ह कोरोना रुग्ण असून, त्यांच्यावर रुग्णालयात उपचार सुरू आहेत. दरम्यान, आतापर्यंत देशातील 42 कोटी 78 लाख 82 हजार 261 जणांना लस देण्यात आली आहे.
दरम्यान, देशातील रिकव्हरी दर आता 97.35 टक्क्यांवर आहे तर ॲक्टिव्ह रुग्णांचा दर 1.31 टक्के आहे. देशाचा दैनिक पॉझिटिव्हिटी रेट 2.40 टक्क्यांवर आहे.
आतापर्यंत देशात 45 कोटी 45 लाख 70 हजार 811 नमुन्यांची तपासणी करण्यात आली आहे. त्यापैकी 16 लाख 31 हजार 266 कोरोना चाचण्या बुधवारी (दि. 23 जुलै 2021) एका दिवसात करण्यात आल्या.
