ऑनलाईन टीम / नवी दिल्ली :
पंतप्रधान नरेंद्र मोदी यांनी आज केवडिया येथे साबरमती रिव्हरफ्रंट सी-प्लेन सेवेचे उद्घाटन केले. ही देशातील पहिली सागरी विमान सेवा आहे. अहमदाबाद ते केवडिया आणि केवडिया ते अहमदाबादपर्यंत पर्यटकांसाठी ही सेवा उपलब्ध असणार आहे.
मोदींनी केवडिया ते अहमदाबादच्या साबरमती पर्यंत रिव्हरफ्रंट प्रवास केला. या सागरी विमानाने दुपारी एकच्या सुमारास केवडिया येथून उड्डाण केले आणि 1.40 मिनिटांनी साबरमती नदीसमोर पोहोचले. केवडिया पासून हे अंतर 200 किमी आहे.
तत्पूर्वी, मोदींनी केवडिया येथील एकता क्रूझचे उद्घाटन केले. त्यानंतर त्यांनी या क्रूझवर प्रवास केला. त्याने या क्रूझवरून स्टॅच्यू ऑफ युनिटी असा प्रवास केला. 2017 च्या गुजरात विधानसभा निवडणुकीच्या प्रचाराच्या शेवटच्या दिवशी पंतप्रधान मोदी सी-प्लेनला भेट देताना दिसत होते. त्यानंतर त्यांनी साबरमती नदी ते मेहसाणा जिल्ह्यातील धाराई धरणापर्यंत सागरी विमानाने प्रवास केला.
