दिवसभरात 1,769 नव्या बाधितांची भर

बेंगळूर : गेल्या काही दिवसांपासून राज्यात नव्या कोरोनाबाधित रुग्णांची संख्या घटताना दिसत आहे. बुधवारी राज्यात 1,769 नव्या कोरानाबाधितांची भर पडली. तर दिवसभरात 30 रुग्णांच्या मृत्यूंची नोंद झाली आहे. याचबरोबर 1,714 जण कोरोनामुक्त झाले आहेत. राज्यात आठवडय़ात संसर्गमुक्त होणाऱयांपेक्षा नव्या रुग्णांची संख्या अधिक आहे. सध्या सक्रिय रुग्णसंख्या 24,305 इतकी आहे. राज्यात आतापर्यंत एकूण 29,11,727 रुग्णांची नोंद झाली आहे. त्यापैकी 28,50,717 जण कोरोनातून बरे झाले आहेत. तर एकूण 36,680 जणांचा कोरोनाने बळी गेला आहे.