ऑनलाईन टीम / नवी दिल्ली :
देशाची राजधानी असलेल्या दिल्लीत मागील 24 तासात 142 नव्या कोरोना रुग्णांची नोंद झाली. तर 2 रुग्णांचा मृत्यू झाला. त्यामुळे दिल्लीतील कोरोना बाधितांची एकूण संख्या 6 लाख 36 हजार 529 वर पोहचली आहे. यामधील 1,051 रुग्णांवर विविध रुग्णालयात उपचार सुरू आहेत.
दिलासादायक बाब म्हणजे काल दिवसभरात 135 रुग्णांची प्रकृती सुधारली असून त्यांना घरी सोडण्यात आले आहेे. तर आतापर्यंत 6 लाख 24 हजार 592 रुग्ण कोरोनामुक्त झाले आहेत. तर आतापर्यंत 10,886 जणांचा कोरोनामुळे मृत्यू झाला आहे.
ताज्या आकडेवारी नुसार, दिल्लीत आतापर्यंत जवळपास 1 कोटी 13 लाख 88 हजार 092 टेस्ट करण्यात आल्या आहेत. त्यातील 41,943 आरटीपीसीआर टेस्ट आणि 22,385 रैपिड एंटिजेन टेस्ट काल एका दिवसात करण्यात आल्या आहेत.
