ऑनलाईन टीम / नवी दिल्ली :
कोरोनाचा संसर्ग आता पहिल्यापेक्षा अधिक घातक ठरत आहे. दिल्लीत कोरोनाचा प्रादुर्भाव अतिशय वेगाने पसरत आहे. राजधानी दिल्लीत शुक्रवारी तब्बल 8,521 नव्या रुग्णांची नोंद झाली. तर 39 रुग्णांचा उपचारा दरम्यान मृत्यू झाला.
आरोग्य विभागाने सांगितले की कालच्या दिवशी 5,032 रुग्णांना डिस्चार्ज देण्यात आला. दिल्लीतील एकूण रुग्णांची संख्या 7 लाख 06 हजार 526 वर पोहोचली आहे. त्यातील 6,68,699 रुग्ण बरे झाले असून त्यांना घरी सोडण्यात आले आहे. तर सक्रिय रुग्णांची संख्या वाढली असून 26,631 इतकी झाली आहे.
- आता लहान मुलांमध्ये पण संसर्ग
डबल म्युटेंट आणि नव्या तणावामुळे हा विषाणू आता कमी वयाच्या नागरिकांसह लहान मुलांमध्ये देखील दिसून येत आहे. मागील सात दिवसांत 5 लहान मुलांना कोरोनाचा संसर्ग झाल्याने दिल्लीतील लोक नायक रुग्णालयात दाखल करण्यात आले आहे. त्यामुळे डॉक्टरांनी देखील चिंता व्यक्त केली आहे.
