- विद्यार्थ्यांच्या चेहऱ्यावर खुशी; मास्क लावून पोहोचले शाळेत
ऑनलाईन टीम / नवी दिल्ली :
दिल्लीत आजपासून इयत्ता 9 वी आणि 11वी चे वर्ग सुरू झाले आहेत. शाळांसोबत महाविद्यालये, डिग्री आणि डिप्लोमाचे क्लासेस सुरू झाले आहेत.
दरम्यान, याआधी केजरीवाल सरकारने 18 जानेवारीपासून 10 वी आणि 12 वी चे वर्ग सुरू केले आहेत. आता दुसऱ्या टप्प्यात 9 वी आणि 11 वी चे वर्ग सुरू केले आहेत.
एवढ्या दिवसांनंतर शाळा सुरू झाला असल्याचा आनंद विद्यार्थ्याच्या चेहऱ्यावर दिसून येत होता. एका विद्यार्थ्याने सांगितले की, शाळा पुन्हा परत सुरू झाल्या याचा आम्हाला खूप आनंद होत आहे. आता व्यवस्थित अभ्यास होईल. कोरोना काळात सुरू असलेला ऑनलाईन अभ्यासक्रम व्यवस्थित होत नव्हता.
दिल्लीतील वेस्ट विनोद नगरमधील राजकीय सर्वोदय कन्या विद्यालयात सकाळी विद्यार्थीनी मास्क लावून पोहोचल्या. शाळा, कॉलेजमध्ये कोरोनापासून बचाव व्हावा यासाठी तयार करण्यात आलेल्या सर्व नियमांचे पालन करण्यात आले आहे.
