ऑनलाईन टीम / नवी दिल्ली :
राजधानी दिल्लीत कोरोना रुग्णांच्या संख्येत लक्षणीय घट होताना दिसत आहे. यासोबत दररोज वाढत असलेले मृत्यूंची संख्या देखील कमी होताना दिसत आहे. ताज्या आकडेवारीनुसार मागील 24 तासात केवळ 165 नवे रुग्ण आढळून आले असून 14 रुग्णांचा मृत्यू झाला आहे. तर 260 रूग्णांना डिस्चार्ज देण्यात आला.
- सद्य स्थितीत संसर्ग दर 0.22 %
आरोग्य विभागाकडून मिळालेल्या माहितीनुसार, दिल्लीतील कोरोना रुग्णांची एकूण संख्या 14 लाख 32 हजार 033 वर पोहोचली आहे. त्यातील 14 लाख 04 हजार 688 रुग्ण आतापर्यंत कोरोनामुक्त झाले आहेत. सद्य स्थितीत संसर्ग दर 0.22 % इतका आहे. तर आतापर्यंत 24,900 जणांचा कोरोनामुळे मृत्यू झाला आहे.
सद्य स्थितीत 2 हजार 445 रुग्णांवर उपचार सुरू आहेत. यातील 1486 रुग्ण रुग्णालयात दाखल आहेत. कोविड केअर केंद्रात 85 जण आहेत. तर 698 जण होम आयसोलेशनमध्ये आहेत. दिल्लीत आतापर्यंत जवळपास 2 कोटी 06 लाख 26 हजार 314 टेस्ट करण्यात आल्या आहेत. यातील 53,724 आरटीपीसीआर टेस्ट आणि 22,756 रैपिड एंटिजेन टेस्ट काल एका दिवसात करण्यात आल्या आहेत. सद्य स्थितीत दिल्लीत 5,452 झोन आहेत.
- मागील 24 तासात 90,217 जणांचे लसीकरण
ताज्या आकडेवारी नुसार, दिल्लीत मागील 24 तासात 90,217 लोकांना लस देण्यात आली. यामध्ये 60,395 जणांना पहिला डोस तर 29,822 जणांना दुसरा डोस देण्यात आला. तर राजधानी दिल्लीत आतापर्यंत एकूण 63 लाख 46 हजार 561 जणांचे लसीकरण पूर्ण झाले आहे. यातील 48,09,551 जणांनी पहिला डोस घेतला आहे. तर 15,37,010 नागरिकांना दुसरा डोस घेतला आहे.
