वार्ताहर / दिघंची
आटपाडी तालुक्यातील दिघंची येथील युवक सागर अनिल मिसाळ (वय 28) याचे शनिवारी अपघाती निधन झाले. आपले दुकान बंद करून घरी जात असताना कामती (जि. सोलापूर) येथे ही घटना घडली.
दिघंची येथील युवक सागर सुनील मिसाळ याचे कामती (जि.सोलापूर) येथे ऑटोमोबाईल चे दुकान आहे. शुक्रवारी रात्री दुकान बंद करून घरी जाताना सोलापूर-मंगळवेढा महामार्गावर रस्त्यावर असणाऱ्या खड्ड्याचा अंदाज न आल्याने गाडीवरून पडल्याने सागर मिसाळ याला डोक्याला जबर मार लागला. त्यानंतर त्याला उपचारासाठी सोलापूरला हलवण्यात आले परंतु शनिवारी सागर मिसाळचा मृत्यू झाला. सागर मिसाळ या युवकाचा अचानक अपघाती मृत्यू झाल्याने दिघंची परिसरात हळहळ व्यक्त होत आहे.
