वार्ताहर / मौजे दापोली
दापोली शहरातील काळकाईकोंड मशीद जवळ उभ्या असलेल्या मॅक्झिमो टेम्पोची बॅटरी चोरट्यांनी चोरून नेल्याची तक्रार पोलीस स्थानकात करण्यात आली होती. यातील एकाला दापोली पोलीसांनी ताब्यात घेतले आहे.
या प्रकरणी मुद्देमालासह मयूर दिलीप वाळंगे (वय 19) याला वराडकर महाविद्यालय जवळून चोरी करताना ताब्यात घेण्यात आले. या प्रकरणाचा पोलीस हेड काँन्स्टेबल विनायक गायकवाड अधिक तपास करत आहेत. परंतु, मयुर वाळंगे हा आजारी पडल्यामुळे त्याला दापोली उपजिल्हा रूग्णालयात दाखल करण्यात आले आहे, अशी माहिती दापोली पोलिस स्थानकाकडून देण्यात आली.
