प्रतिनिधी/ बेळगाव
बेळगाव तालुका पंचायत कार्यालयासमोर खासगी वाहनचालक व मालकांची वाहने पार्किंग करण्यात येतात. याचा फटका तालुका पंचायत अधिकारी तसेच इतर अधिकाऱयांच्या वाहनांना बसत आहे. त्यांना इतरत्र पार्किंग करून कार्यालयात यावे लागत आहे. याबाबत अधिकाऱयांनी सांगूनदेखील दुर्लक्ष होत असल्याने संताप व्यक्त करण्यात येत आहे. संबंधितांवर कारवाई करण्याची मागणी होत आहे.
तालुका पंचायत कार्यालयासमोर दिव्यांगांसाठी एक कार्यालय आहे. या ठिकाणी व तालुका पंचायतमध्ये वारंवार वर्दळ असते. या ठिकाणी खासगी वाहने पार्किंग करण्यात येत असल्याने दिव्यांगांनी आणलेली वाहने कोठे पार्किंग करावीत, असा सवाल उपस्थित करण्यात येत आहे. याबाबत अधिकाऱयांनी सूचना करूनदेखील काही जण लोकप्रतिनिधींच्या नावे अधिकाऱयांनाच धमकावत असल्याचे प्रकार घडत आहेत.
तालुका पंचायत कार्यालयासमोर इतर बरीच कार्यालये आहेत. त्यामुळे वाहनांची गर्दी वारंवार या ठिकाणी होत असते. काही खासगी सावकारही या ठिकाणी वाहने पार्किंग करून दिवसभर आपले सर्व व्यवहार पूर्ण करून सायंकाळी येथील वाहने घेऊन जातात. त्यामुळे अशांवर कारवाई करण्याची मागणी होत असताना या ठिकाणी पार्किंगसाठी शुल्क आकारावेत, अशी मागणीही होत आहे.
या ठिकाणी वाहने पार्किंग करणाऱया वाहनचालकांना येथे पार्किंग करू नका, असे सांगितल्यावर साहेबांची वाहने आहेत अथवा मोठय़ा अधिकाऱयांची वाहने आहेत, असे सांगून धमकावण्याचा प्रकार सुरू असतो. त्यामुळे तालुका पंचायत सदस्यांनाही येथे वाहन लावणे कठीण होऊन बसले आहे. तेव्हा याचा गांभीर्याने विचार करून संबंधितांवर कारवाई करण्यात यावी, अशी मागणी होत आहे.
