वार्ताहार / गोकुळ शिरगाव
तामगाव (ता. करवीर) येथील हिरालाल दादू दरवेशी वय ३५ सध्या रा.दत्तनगर तामगाव मुळगाव दरवेश पाडळी, ता. हातकलंगले या गोकुळ शिरगाव एमआयडीसीमध्ये हमाली करणाऱ्या तरुणाने तामगावातील राहत्या घरी गळफास लावून घेऊन आत्महत्या केली.
घटनास्थळावरून मिळालेल्या माहितीनुसार मयत हिरालाल दरवेशी व त्याची पत्नी दोघेही गोकुळ शिरगाव एमआयडीसी मध्ये काम करीतात. गुरुवार ता. २५ रोजी मयत हिरालाल यांची पत्नी कामावर गेली असता घरात कोणी नसताना हिरालाल यांनी गळफास लावून घेऊन आत्महत्या केली. हिरालाल यांची पत्नी कामावरून आल्यानंतर सदर घटना त्यांच्या निदर्शनास आली. आत्महत्येचे नेमके कारण समजू शकले नाही. सदर घटनेची नोंद रात्री उशिरा गोकुळ शिरगाव पोलिस स्टेशनमध्ये झाली असून अधिक तपास सुशांत चव्हाण यांच्या मार्गदर्शनाखाली पो. ना. माने करीत आहेत. मयत हिरालाल दरवेशी
