देवराष्ट्र / वार्ताहर
ताकारी सिंचन योजनेच्या वांगी ता. कडेगाव येथील कार्यालयात भारतरत्न डॉ. बाबासाहेब आंबेडकर यांच्यासह अन्य राष्ट्रपुरूषांच्या प्रतिमांचा अवमान झाल्याचा धक्कादायक प्रकार समोर आला आहे याबाबत नागरिकांमधुन संतप्त प्रतिक्रिया उमटत आहेत.
ताकारी योजनेचे वांगी येथे विभागीय कार्यालय आहे. या कार्यालयाच्या दुरुस्तीचे काम सध्या सुरू आहे. त्यामुळे हे कार्यालय दुरुस्तीसाठी रिकामे करण्यात आले आहे. शुक्रवारी या कार्यालयाबाहेर भारतरत्न डॉ. बाबासाहेब आंबेडकर यांच्यासह अन्य प्रतिमांचा ढिग ठेवल्याचे काही सुजाण नागरिकांच्या निर्दशनास आले. याबाबत ताकारीच्या प्रशासनासही काही माहिती नव्हती. या कार्यालयाच्या प्रवेशद्वाराच्या जवळच जमिनीवर दर्शनी हे फोटो ठेवण्यात आले होते.
याबाबत नागरिकामधुन र्तीव्र प्रतिक्रिया उमटत असून ताकारीच्या अधिकाना याबाबत माहितीच नसल्याचे दिसून आले. तसेच यावेळी कार्यालयात कोणी कर्मचारीही नसल्याचे समोर आले आहे.
