ऑनलाईन टीम/तरुण भारत
गेल्या काही दिवसांपासून कोरोना रुग्णांची संख्या कमी होताना दिलेत आहे. त्यामुळे कोरोनाची तिसरी लाट ओसरत असल्याचे बोलले जात असताना गुरुवारी जागतिक आरोग्य संघटनेच्या कोविड १९ तांत्रिक प्रमुख मारिया वॅन केरखोव्ह यांनी ओमिक्रॉन हा काही शेवटचा व्हेरियंट नसून अजून काही नवे व्हेरियंट समोर येण्याची मोठी शक्यता असल्याचं सांगितलं होतं. पण आता जागतिक आरोग्य संघटनेचे (WHO) प्रमुख टेड्रोस ॲधानोम गेब्रेयसस यांनी जून ते जुलैपर्यंत कोरोना साथीच्या रोगाचा तीव्र टप्पा संपू शकतो असं भाकीत केलं आहे.
दरम्यान, जगातील सुमारे ७० टक्के लोकांचे लसीकरण झाल्यास यावर्षी जून ते जुलैपर्यंत कोरोना साथीच्या रोगाचा तीव्र टप्पा संपू शकतो, असे जागतिक आरोग्य संघटनेचे प्रमुख टेड्रोस ॲधानोम गेब्रेयसस यांनी म्हटले आहे. आम्ही याचीच अपेक्षा करीत आहोत. ते आपल्या हातात आहे. ही संधीची बाब नाही. ही निवडीची बाब आहे, असेही ते म्हणाले. जागतिक आरोग्य संघटनेचे (WHO) प्रमुख टेड्रोस ॲधानोम गेब्रेयसस दक्षिण आफ्रिकेत Afrigen Biologics and Vaccines च्या भेटी दरम्यान बोलत होते. त्यांनी मॉडरेनाच्या अनुक्रमाचा वापर करून आफ्रिकेत पहिली एमआरएनए कोरोना लस तयार केली आहे. आम्ही अपेक्षा करतो की ही लस त्या संदर्भांसाठी अधिक अनुकूल असेल ज्यामध्ये ती कमी स्टोरेज मर्यादांसह आणि कमी खर्चात वापरली जाईल, असेही ते म्हणाले.
