प्रतिनिधी /कास
वेंगळे गावची यात्रा करून बामणोली कास सातारा मार्गावरून परतीच्या प्रवासास निघालेल्या तमाशा मंडळाचा टेम्पो अंधारी गावच्या हाद्दीतील एस वळणावर नाल्यात पलटी झाला. सुदैवाने कोणतीही जीवितहानी झाली नसून खमींना उपचारासाठी रूग्णालयात हलविण्यात आले आहे.
बुधवार रात्री १० च्या सुमारास अंधारी हाद्दीतील सातारा बामणोली रोडवरील धोकादायक असणाऱ्या एस वळणांवर वेंगळे गावच्या वार्षिक यात्रेवरून कराडकडे जाणाऱ्या mh 11 m 4582 टेम्पोच्या ड्रायव्हरकडून गिअर न पडल्यामुळे व प्रसंगवधान न राखता आल्याने रिव्हर्सने गाडी पाठीमागे जाऊन नाल्यात पलटी होऊन अपघात झाला. त्यामध्ये कमल कराडकर यांच्यासह त्यांच्या तमाशा मंडळाचे १५ ते २० कलावंत होते. सुदैवाने कोणतीही जीवितहानी झाली नसून,काही जण किरकोळ जखमी झाले आहेत. जखमींना रात्रीच सातारा येथे उपचारासाठी हलविण्यात आले आहे.
