वृत्त संस्था/ अबु धाबी
येथे सुरू असलेल्या अबु धाबी टी-10 क्रिकेट स्पर्धेतील शनिवारी झालेल्या सामन्यात डेक्कन ग्लॅडिएटर्सने दिल्ली बुल्सचा 8 गडय़ांनी पराभव करत या स्पर्धेच्या गुणतक्त्यात आघाडीचे स्थान पटकाविले. डेक्कन ग्लॅडिएटर्सचा हा या स्पर्धेतील पाचवा विजय आहे.
शनिवारी झालेल्या सामन्यात प्रथम फलंदाजी करताना दिल्ली बुल्सने 10 षटकांत 6 बाद 94 धावा जमविल्या. दिल्ली बुल्स संघातील रोमारिओ शेफर्डने 26 तर डॉम्निक ड्रेक्सने 16 धावा जमविल्या. त्यानंतर डेक्कन ग्लॅडिएटर्सने 6 षटकांत 2 बाद 98 धावा जमवित विजय नोंदविला. डेक्कन संघातील बँटनने नाबाद 46 तर नजिबूल झेद्रनने 35 धावा फटकाविल्या. दिल्ली बुल्सतर्फे अकिल हुसेनने 18 धावांत 1 गडी बाद केला.
संक्षिप्त धावफलक
दिल्ली बुल्स 10 षटकात 6 बाद 94 (शेफर्ड 26, ड्रेक्स 16, मिल्स 2-10), डेक्कन ग्लॅडिएटर्स 6 षटकात 2 बाद 98 ( बँटन नाबाद 46, नजिबुल्लाह झेद्रन 35, अकिल हुसेन 1-18).
