ऑनलाईन टीम / अहमदाबाद :
अमेरिकेचे अध्यक्ष डोनाल्ड ट्रम्प पत्नी मेलानिया, मुलगी इवांका ट्रम्प आणि जावई जेरेड कुशनरसोबत दोन दिवसीय भारत दौऱयावर आहेत. दरम्यान, ट्रम्प यांचा ताफा साबरमती आश्रमाकडून मोटेरा स्टेडियमकडे निघाला आहे. अहमदाबादच्या मोटेरा स्टेडियमवर ‘नमस्ते ट्रम्प’ या कार्यक्रमाचे आयोजन करण्यात आलं आहे.
तत्पूर्वी ट्रम्प आणि त्यांच्या पत्नी मेलानिया यांनी साबरमती आश्रमाला भेट दिली. तेथे त्यांनी पत्नी मेलानियासोबत चरखा चालवला. यावेळी पंतप्रधन नरेंद्र मोदी उपस्थित होते. चरख्याची माहिती ऐकताना ट्रम्प खूप उत्सही दिसत होते. तसेच त्यानंतर ट्रम्प यांनी साबरमती आश्रमातील अभिप्राय नोंद वहीत आपला अभिप्राय लिहीला. आपल्या अभिप्रायामध्ये ट्रम्प यांनी पंतप्रधान नरेंद्र मोदी यांचे आभार मानले आहेत.
