ऑनलाईन टीम
टोकियो ऑलिम्पिक स्पर्धेत भारताच्या पुरूष हॉकी संघाने दमदार कामगिरी करत उपांत्य फेरीत धडक मारली आहे. भारतीय संघाने उपांत्यपूर्व फेरीत ग्रेट ब्रिटनला ३-१ ने पराभूत केलं. जवळपास ४ दशकानंतर भारतीय पुरूष हॉकी संघ उपांत्य फेरीत पोहोचला आहे.
ऑस्ट्रेलियाकडून १-७ ने पराभव झाल्यानंतर भारतीय संघाने जोरदार पुनरागमन केलं आहे. अ गटातील ५ पैकी ४ सामने जिंकत उपांत्यपूर्व फेरीत धडक मारली होती. आता उपांत्यपूर्व फेरीत ग्रेट ब्रिटेनला पराभूत करत उपांत्य फेरीत स्थान मिळवलं आहे.
उपांत्य फेरीत भारताचा सामना बेल्जियमशी होणार आहे. बेल्जियमने उपांत्यपूर्व फेरीत स्पेनला ३-१ अशी धूळ चारत उपांत्य फेरीत धडक मारली आहे. तर दुसरीकडे ऑस्ट्रेलिया आणि जर्मनी हे दोन संघ उपांत्य फेरीत भिडणार आहेत.
