प्रतिनिधी / सरवडे
नरतवडे ता.राधानगरी येथील दत्तात्रय मारुती कुंभार (वय.४०) या तरुणाचा झाडावरुन पडून दुर्दैवी मृत्यू झाला. सदरचा युवक माळवाडी नावाच्या शेतात वादळी वाऱ्याने पेचलेली फांदी तोडण्यासाठी झाडावर चढला असता पाय घसरुन तो जमिनीवर पडला. उपचारापुर्वीच त्याचा मृत्यू झाला.
या घटनेची नोंद राधानगरी पोलिस ठाण्यात झाली असून मृतदेहाचे सोळांकूर ग्रामीण रुग्णालयात शवविच्छेदन करून तो नातेवाईकांच्या ताब्यात देण्यात आला. त्याच्या पश्चात आई,पत्नी, दोन मुलगे असा परिवार आहे.
