दोडामार्ग / प्रतिनिधी-
दशावतार कलाकार समिती, दोडामार्ग या समितीचे सल्लागार, भजनी, ज्येष्ठ दशावतारी कलाकार, सुप्रसिद्ध स्त्री भूमिका कलाकार आणि गणेश मूर्तीकार भास्कर देऊ सुतार [ वय 61] यांचे बांबोळी गोवा येथे उपचार दरम्यान निधन झाले. कोनाळ येथे झालेल्या अपघातात त्यांच्या डोकयाला जबर दुखापत झाल्याने त्यांना बांबोळी गोवा येथे उपचारासाठी करण्यात आले होते. दाखल उपचार दरम्यान मंगळवारी पहाटे 4.15 वाजण्याच्या सुमारास निधन झाले. दशावतार क्षेत्रात त्यांनी स्त्री पात्रातून विशेष ओळख निर्माण केली होती. दशावतारी कलेला आपलं पूर्ण आयुष्य त्यांनी घालविले. त्यांच्या जाण्याने दशावतारी कलाक्षत्रेत आणि दशावतार कलाकार समिती, दोडामार्ग या समितीमध्ये कधीही भरून न येणारी अशी पोकळी निर्माण झाली आहे.
