प्रतिनिधी / सोलापूर
कामती पोलीस स्टेशनला मिळालेल्या गोपनीय बातमीनुसार मौजे कुरुल ता. मोहोळ जि.सोलापूर येथे कामती मोहोळ रोडवर आरोपी नामे सिद्धेश्वर वसंत वगरे रा नान्नज ( ता उत्तर सोलापूर ) सदर याचे ताब्यातील बेकायदा चोरून व बेकायदेशीर विक्रीचे हेतुस्त व बाळगलेले जेसीबी असा ३५ लाखांचा चा मुद्देमाल हस्तगत केला आहे.
सदर बाबत तपास केला असता सदर जेसीबी हा उस्मानाबाद जिल्ह्यातील उमरगा पोलीस स्टेशन हद्दीतील चोरी गेलेला असल्याबाबत माहिती समोर आली आहे. कामती पोलिसांनी संबंधित पोलीस स्टेशनला कळविले आहे. या चोरीच्या गुन्ह्यातील दुसरा आरोपी भगवान बापू यलगुंडे ( रा पाकणी ) यालाही शिताफीने अटक करण्यात आलेली आहे.
