ऑनलाईन टीम / नगर :
जेजुरीला देवदर्शनासाठी निघालेल्या भाविकांच्या टेम्पोला संगमनेर तालुक्मयातील बोटा परिसरात पहाटे साडेतीनच्या सुमारास अपघात झाला. या अपघातात एका वृद्धेचा मृत्यू झाला असून, 6 जण गंभीर जखमी आहेत. जखमींना जवळच्या खासगी रुग्णालयात उपचारासाठी दाखल करण्यात आले आहे. हे सर्वजन नाशिक जिह्यातील पंचवटी येथील असल्याची माहिती मिळत आहे.
जनाबाई पुंडलिक खोडे (वय 65) असे अपघातात मृत्यू झालेल्या वृद्धेचे नाव आहे. तर चेतन गणेश शिंदे (10) आकाश दत्ता खोडे (21), वैभव योगेश गिरी (25), पुजा दत्तात्रय खोडे (23), प्रिया शरद आंबेकर (23), ताराबाई दत्तात्रय खोडे (35) जखमेंची नावे आहेत.
मिळालेल्या माहितीनुसार, जेजुरीतील खंडोबाच्या दर्शनासाठी नाशिक जिह्यातील पंचवटी येथील भाविक टेम्पो (एम.एच.15 जी. व्ही. 5328) ने निघाले होते. दरम्यान, आज पहाटे साडेतीनच्या सुमारास टेम्पो संगमनेर तालुक्यातील बोटा परिसरात आला असता अज्ञात वाहनाने भाविकांच्या टेम्पोला जोरदार धडक दिली. या अपघातात टेम्पोतील सात भाविक गंभीर जखमी झाले असून, त्यांना जवळच्या खासगी रुग्णालयात स्थानिकांनी दाखल केले. त्यामधील एका वृद्धेचा उपचारादम्यान मृत्यू झाला.
