ऑनलाईन टीम
राष्ट्रीय सामाईक प्रवेश परीक्षा (जेईई) आणि राष्ट्रीय पात्रता व प्रवेश परीक्षा (नीट) नियोजित वेळेतच होणार आहे. कोरोनाच्या पार्श्वभूमीवर परीक्षा पुढे ढकलण्याची मागणी होत असतानाच नॅशनल टेस्टिंग एजन्सी (एनटीए)ने ही माहिती दिली आहे. याबाबत एनटीएने वेबसाईटवर अधिकृत माहिती प्रसिद्ध केली आहे. त्यानुसार जेईई मुख्य परीक्षा आता ठरल्याप्रमाणे १ ते ६ सप्टेंबर दरम्यानच होणार आहेत.
कोरोनाच्या पार्श्वभूमीवर परीक्षा पुढे ढकलण्याची शक्यता वर्तवण्यात येत होती. परंतु, एनटीएने ठरल्या वेळेतच परीक्षा होणार असल्याचे सांगतिले आहे. त्यामुळे आता जेईई मुख्य परीक्षेसोबतच नीट परीक्षाही वेळेतच होणार असून ती १३ सप्टेंबरलाच असणार आहे. दरम्यान, यापूर्वीच सर्वोच्च न्यायालयानेही नीट आणि जेईई परीक्षा पुढे ढकलण्याची मागणी फेटाळली आहे.
