जिह्यात कोरोना रूग्णवाढीला लगाम

प्रतिनिधी / रत्नागिरी

जिह्यात कोरोना रूग्णांच्या संख्येत सातत्याने घट होताना दिसून येत आह़े मंगळवारी करण्यात आलेल्या कोरोना चाचण्यांमध्ये 26 रूग्ण आढळून आले आहेत़ एका रूग्णाचा मृत्यू झाल्याची नोंद करण्यात आली आह़े कोरोना रूग्णांचे प्रमाण कमी झाले असले तरी नागरिकांनी दक्षता पाळण्याचे आवाहन जिल्हा आरोग्य विभागाकडून करण्यात आले आह़े

 जिल्हा शासकीय रूग्णालयाकडून मिळालेल्या माहितीनुसार, मंगळवारी कोरोनापासून बरे झालेल्या 50 रूग्णांना घरी सोडण्यात आल़े यामुळे कोरोनामुक्त झालेल्यांची एकूण संख्या 7 हजार 215 झाली आह़े जिह्यात बरे होण्याचे प्रमाण आता 89.46 वर गेले आह़े  मंगळवारी आरटीपीसीआर टेस्टमध्ये 10 तर ऍन्टीजेन टेस्टमध्ये 16 कोरोनाबाधित रूग्ण आढळून आले आहेत़ यामध्ये रत्नागिरी 16, चिपळूण 2, गुहागर 1,  राजापूर 1, खेड 1, संगमेश्वर 5 अशी तालुकानिहाय आकडेवारी आह़े मंगळवारी एका कोरोनाबाधित रूग्णांचा उपचारादरम्यान मृत्यू झाल़ा जिह्यातील कोरोनामुळे झालेल्या मृत्यूंची संख्या आता 296 तर मृत्यूदर 3.67 झाला आह़े 

  गुरूवारी झालेल्या मृत्यूमध्ये दापोली येथील 45 वर्षीय महिलेचा उपचारादरम्यान मृत्यू झाल्याची माहिती देण्यात आली आह़े मृतांच्या तालुकानिहाय आकडेवारीनुसार रत्नागिरी सर्वाधिक 79, खेड 49, गुहागर 11, दापोली 32, चिपळूण 71, संगमेश्वर 30, लांजा 10, राजापूर 12 तर मंडणगडमध्ये 2 अशा एकूण 296 जणांचा समावेश आहे.

एकूण रूग्ण-8065

नवे रूग्ण -26

नवे मृत्यू -01

एकूण मृत्यू -296