3 फेबुवारीपर्यंत करता येणार अर्ज : तीन वर्षांच्या अवधीसाठी नियुक्ती
प्रतिनिधी /बेळगाव
कर्नाटक हिंदू धार्मिक संस्था व धर्मादाय ट्रस्ट कायदा 1997 कलम 30 अंतर्गत बेळगाव जिल्हय़ाच्या व्याप्तीतील क वर्गामध्ये येणाऱया मंदिरांच्या व्यवस्थापन मंडळावर विश्वस्थांची नियुक्ती केली जाणार आहे. तीन वर्षांच्या अवधीसाठी ही नियुक्ती केली जाणार असून, इच्छुक भक्तांनी यासाठी अर्ज करावयाचा आहे. बेळगाव जिल्हय़ातील 17 देवस्थानांवर विश्वस्थ समितीची नेमणूक केली जाणार असून, 3 फेब्रुवारी पूर्वी भाविकांनी अर्ज करावयाचा आहे.
जिल्हय़ातील क वर्ग मंदिरांवर व संस्थांवर व्यवस्थापन समिती नियुक्त केली जाणार आहे. यासाठी अर्जांचे आवाहन करण्यात आले असून 15 दिवसांच्या आत अर्ज बेळगाव जिल्हा धर्मादाय खात्याच्या उपायुक्त कार्यालयात पाठवून द्यायचे आहेत. प्रत्येक देवस्थानामध्ये आरक्षण लागू केले आहे. देवस्थानच्या संबंधित अर्जदाराला – 1, परिशिष्ट जाती जमाती -1, महिला -2, देवस्थानच्या आजुबाजुच्या परिसरातील नागरिक -1, इतर – 4 अशी विभागणी करण्यात आली आहे. एकूण 9 सदस्यांची विश्वस्थ म्हणून निवड केली जाणार आहे.
अर्जदाराचा देवावर विश्वास असून तो 21 वर्षांवरील असावा. आरक्षण प्रवर्गातील अर्जदार असेल तर त्याचे जातीचे प्रमाणपत्र असणे आवश्यक आहे. एकापेक्षा अधिक व्यवस्थापन समितीच्या सदस्यांना अर्ज करता येणार नाही. कुठल्याही राजकीय पक्षाच्या पदाधिकाऱयाला सहभागी होता येणार नाही.
| तालुका | देवस्थानचे नाव |
| बेळगाव | ग्रामदेवी देवस्थान, माविनकट्टी |
| श्री लक्ष्मी देवस्थान, अलतगा | |
| खानापूर | रामलिंगेश्वर देवस्थान, असोगा |
| रवळनाथ देवस्थान, मणतुर्गा | |
| चिकोडी | श्री लक्ष्मी देवस्थान, नागरमुन्नोळी |
| वीरभद्र देवस्थान, कोथळी | |
| मारुती देवस्थान, कोथळी | |
| कलमेश्वर व मारुती देवस्थान, डोणवाड | |
| बसवेश्वर देवस्थान, कोथळी | |
| मारुती देवस्थान, जोडकुरळी | |
| हुक्केरी | विठ्ठल रुक्मिणी देवस्थान, हनजानट्टी |
| बसवेश्वर देवस्थान, मजली | |
| करेम्मा देवस्थान, बजंत्री गल्ली, हुक्केरी | |
| कागवाड | रुक्मिणी विठ्ठल देवस्थान, शेडबाळ |
| रायबाग | श्री रेणुकादेवी यल्लम्मा देवस्थान, निलजी |
| सौंदत्ती | हनुमान देवस्थान, सौंदत्ती |
