सोलापूर जिल्ह्यास दोन लाख लसीचे डोस प्राप्त : मुख्य कार्यकारी अधिकारी दिलीप स्वामी
प्रतिनिधी/सोलापूर
मागील दोन आठवडÎापासून सोलापूर जिल्ह्यास पुरेशा प्रमाणात कोविड प्रतिबंधक लस उपलब्ध होत आहे. शनिवारी लसीकरणासाठी दोन लाख डोस प्राप्त होत आहेत. त्यामुळे आज शनिवारी जिल्ह्यात मेगा लसीकरण मोहीम राबविणार असल्याची माहिती जिल्हा परिषदेचे मुख्य कार्यकारी अधिकारी दिलीप स्वामी यांनी दिली.
मुख्य कार्यकारी अधिकारी स्वामी म्हणाले, जिल्हा परिषदेचे जिल्हा आरोग्य अधिकारी डॉ. शीतलकुमार जाधव व जिल्हा लसीकरण अधिकारी डॉ. अनिरुद्ध पिंपळे यांनी प्राप्त झालेली लस एकाच दिवशी संपेल अशा पद्धतीने लसीकरणाचे नियोजन आजपर्यंत केलेले आहे. त्याचप्रमाणे तालुका आरोग्य अधिकारी, प्राथमिक आरोग्य केंद्राचे वैद्यकीय अधिकारी व कर्मचारी यांनी अविश्रांत मेहनत घेऊन लसीकरणाचे काम व्यवस्थितरीत्या पार पाडले आहे. निकषाप्रमाणे दिलेली लस त्वरित संपवल्यामुळे सोलापूर जिह्यास आज दोन लाख डोस मिळत आहेत.
यापूर्वी लसीकरण केंद्रावर होणाऱया गर्दीला आवर घालण्यासाठी शाळेचे मुख्याध्यापक, ग्रामसेवक, आरोग्य कर्मचारी यांच्या समन्वयातून कुपनाची व्यवस्था राबवल्यामुळे लसीकरणाच्या कामात सुसूत्रता आली आहे. संपूर्ण जिल्हाभर वॉक इन व्हॅक्सीनेशन मोहीम राबविण्यात येत आहे. जिह्यातील अद्याप लसीकरण न झालेल्या नागरिकांनी उद्या आपल्या जवळच्या लसीकरण केंद्रावर जाऊन लस घ्यावयाची आहे.
कोविडच्या तिसऱया लाटेला थोपविण्यासाठी कोविड प्रतिबंधक लसीकरण हाच एकमेव उपाय आहे. त्यामुळे नागरिकांनी मुख्य कार्यकारी अधिकारी स्वामी यांच्या मार्गदर्शनाखाली मेगा लसीकरण मोहिमेत उत्स्फूर्तपणे सहभागी व्हावयाचे आहे. याकरिता शुक्रवारी दुपारी सर्व तालुका आरोग्य अधिकारी, वैद्यकीय अधीक्षक, वैद्यकीय अधिकारी, तालुका समूह संघटक, आशा गटप्रवर्तक, आरोग्य सहाय्यक, आरोग्य सहायिका, आरोग्य सेवक व आरोग्य सेविका यांना व्हिडिओ कॉन्फरन्सद्वारे मुख्य कार्यकारी अधिकारी, जिल्हा आरोग्य अधिकारी व जिल्हा शल्यचिकित्सक यांनी मार्गदर्शन करून मेगा लसीकरण मोहीम चांगल्या पद्धतीने यशस्वी करावी, असे आवाहन जिल्हा आरोग्य अधिकारी डॉ. शीतलकुमार जाधव यांनी केले आहे.
