ऑनलाईन टीम / मुंबई :
महाराष्ट्र राज्याचे जलसंधारण मंत्री शंकरराव गडाख यांनी मंगळवारी मुख्यमंत्री उद्धवजी ठाकरे यांच्या उपस्थितीत शिवसेनेत प्रवेश केला. उद्धव ठाकरे यांच्या हस्ते शिवबंधन बांधून गडाख यांनी शिवसेना पक्ष प्रवेश केला. या प्रसंगी सचिव मिलिंद नार्वेकरही उपस्थित होते.
नगर जिल्ह्यामध्ये शिवसेनेची धुरा सांभाळणाऱ्या शिवसेना नेते अनिल राठोड यांच्या निधनानंतर आता गडाखांवर या जिल्ह्याची मोठी जबाबदारी सोपवण्यात आली आहे. राठोड यांच्या निधनानंतर निर्माण झालेली पोकळी भरून काढण्यासाठी गडाख यांना शिवसनेत प्रवेश देऊन त्यांच्या हाती नगर जिल्ह्याचा कार्यभार सोपवण्यात आला.
शंकरराव गडाख हे नगर जिल्ह्यातील नेवासा मतदारसंघातून अपक्ष म्हणून निवडून आले होते. सध्या ते उस्मानाबाद चे पालकमंत्री आणि महाराष्ट्र राज्याचे मुद्रा आणि जलसंधारण मंत्री आहेत.
