अडीच लाखांच्या अपहाराचा ठपका, फौजदारी दाखल करण्याचा आदेश
प्रतिनिधी/मिरज
सांगली जिह्यात अग्रगण्य असलेल्या तालुक्यातील मालगांव येथील जयहिंद विकास सोसायटीत सचिव आणि लिकापीने संगनमतने दोन लाख, 35 हजार रुपयांचा अपहार केल्याचा ठपका तालुका उपनिबंधक आदिनाथ दगडे यांनी ठेवला आहे. त्यामुळे जयहिंद सोसायटीमधील गैरव्यवहाराचे दुसरे पितळ उघडे पडले आहे. अपहार झालेली सर्व रक्कम परत न केल्यास सचिव आणि लिपिकावर फौजदारी दाखल करण्याचा आदेश दगडे यांनी दिला आहे. तशी नोटीसही बजावली आहे. संस्थेचे सचिव रंगराव मालोजीराव चव्हाण आणि लिपिक फारुक मन्सूर मुजावर या दोघांना कारवाईची नोटीस बजावली आहे.
