श्रींनगर
जम्मू काश्मीरमध्ये कोरोनाबाधितांची संख्या दिवसेंदिवस वाढताना दिसत आहे. मागील 24 तासात कोरोनाचे नवे 82 रुग्ण आढळून आले आहे. यामधील सात संक्रमित हवाई मार्गाने राज्यात दाखल झाले असून, यामध्ये दोन सीआरपीएफ जवानांचा समावेश आहे. राज्यात आतापर्यंत एकूण 2039 लोक कोरोनामुळे बाधित झाले आहेत. शुक्रवारी आढळलेल्या 82 रुग्णांपैकी जम्मूमधील 12 आणि काश्मीरमधील 70 रुग्णांचा समावेश आहे. रूग्णसंख्या वाढत असल्याचे दिसून येत आहे. हवाई मार्गाने राज्यात आलेल्या सर्व प्रवाशांना क्वारंटाईन करण्यात आले आहे. यामध्ये सीआरपीएफच्या काही जवानांचाही समावेश असल्याचे वैद्यकीय सूत्रांनी सांगितले.
