प्रतिनिधी / कोल्हापूर
गोकुळ संघाकडून देण्यात येणाऱया सेवा सुविधांमध्ये पशुवैद्यकीय सेवा ही आतिशय महत्वाची सेवा आहे. तसेच दूध वाढीसाठी व जनावराचा भाकड काळ कमी करण्यासाठी पशुवैद्यकीय अधिकाऱयांनी उत्पादकाच्या गोठय़ावर जाऊन त्यांना लागेल ते मार्गदर्शन व पशुवैद्यकीय सेवा सुविधा द्याव्यात. असे आवाहन चेअरमन विश्वास पाटील यांनी केले. पशुसंवर्धन विभागाच्या आढावा बैठकीत ते बोलत होते.
ते म्हणाले, सध्या थायलेरीयसिस (गोचड ताप) हा आजरा जनावरान मध्ये जास्त प्रमाणात दिसत आहे. याकरिता रक्षाव्हॅक-टी ही लस संघाने उपलब्ध केली आहे. या लसीचे लसीकरण जास्त प्रमाणावर करणे गरजेचे आहे. तसेच आपण दर वर्षी पावसाळा सुरू होण्यापूर्वी साथीच्या रोगांचा प्रदुर्भाव जनावरांना होऊ नये याकरिता संघा मार्फत मोफत लसीकरण केले जाते. त्यामध्ये जंत निर्मुलन, लाळखुरकत लसीकरण केले जाते. लाळखूरकत लसीकरण न केल्यामुळे जनावरे सहजपणे या आजाराला बळी पडतात. परीणामी अशी जनावरे कायम स्वरूपी निकामी होतात अथवा त्यांच्या दूध उत्पादन व प्रजनन शक्तीवर मोठा परीणाम होतो. त्यामूळे संघाच्या पशुवैद्यकिय अधिकाऱयानी शंभर टक्के जनावरांचे लसीकरण करावे असा सुचना दिल्या.
कृत्रिम रेतनाद्वारे जास्तीत जास्त मादी वासरेच जन्मास येऊन दूध उत्पादन वाढावे व दूध उत्पादकास आर्थिक फायदा व्हावा या उद्देशाने महाराष्ट्र शासनामार्फत 90 टक्के मादी वासरेच जन्मास येतील अशा लिंगविनिश्चित केलेल्या वीर्यमात्रा गोकुळ दूध संघामार्फत लवकरच उपलब्ध होतील असे अरुण डोंगळे यांनी सांगितले.
