जगजंपी बजाजमध्ये ‘पल्सर 250’चा शुभारंभ

बेळगाव : बजाज या नामवंत दुचाकी कंपनीच्या ‘पल्सर 250’ दुचाकीचा शुभारंभ बेळगावमध्ये जगजंपी बजाज शोरुममध्ये नुकताच करण्यात आला. नागराज बेळगावी या पहिल्या ग्राहकाला पल्सर 250 ची चावी देण्यात आली. जगजंपी बजाजने मागील 17 वर्षांत जिल्हय़ात 1.5 लाख बजाज बाईक्स विक्री केल्या आहेत. पल्सर 250 मुळे विक्रीत आणखी वाढ होईल, असा अंदाज व्यक्त करण्यात येत आहे.  जगजंपी बजाजकडे बेळगावसह गोकाक, चिकोडी, निपाणी व जिल्हय़ात 14 सबडीलर आहेत. जगजंपी बजाज कर्नाटकात सर्वाधिक विक्री करणारी शोरुम असून, सर्वोत्तम सेवेसाठीही प्रसिद्ध आहे. 11 मार्च रोजी जगजंपी बजाजचा 17 वा वर्धापन दिन आहे. जगजंपी समूहाचे अध्यक्ष व व्यवस्थापकीय संचालक मल्लिकार्जुन जगजंपी यांनी मागील 17 वर्षांपासून सहकार्य करणाऱया ग्राहक, कर्मचारी व बजाज कंपनीच्या अधिकाऱयांचे अभिनंदन केले. या कार्यक्रमाला मल्लिकार्जुन जगजंपी, कार्यकारी संचालक देवरथ जगजंपी, सीईओ चिदंबर पाटील, जी. एम. वेंकटेश नाईक, जी. एम. सेल्स अमित तांजी, ओंकार सायनेकर, सोनाली खेकडे यासह इतर उपस्थित होते.