भारतीय चित्रपटसफष्टीत काही कलाकारांनी बालवयापासूनच अत्यंत सुरेख अभिनयाचं दर्शन घडवत रसिकांची मनं जिंकली आहेत. मराठी चित्रपटांसोबतच हिंदीतही आपल्या अभिनयाचा जलवा दाखवणारी मृणाल जाधव ही चुणचुणीत बालकलाकार आता एका नव्या रुपात प्रेक्षकांच्या भेटीला येणार आहे. ‘भयभीत’ या आगामी मराठी चित्रपटात मफणाल एका महत्त्वपूर्ण भूमिकेत झळकणार आहे. या चित्रपटाचे दिग्दर्शन दीपक नायडू यांनी केलं आहे. ऍक्च्युअल मुव्हीज प्रोडक्शन्स आणि ब्राऊन सॅक फिल्म्स प्रा. लि. यांची प्रस्तुती असलेल्या भयभीत चित्रपटाची निर्मिती शंकर रोहरा, दीपक नारायणी यांनी केली आहे.
मृणाल चं नाव घेताच अजय देवगण अभिनीत ‘दृश्यम’ या हिंदी रहस्यपटातील छोटय़ा मुलीचा चेहरा डोळय़ासमोर उभा राहतो. दृश्यमसोबतच तू ही रे, लय भारी, नागरिक, कोर्ट, टाईमपास 2, अ पेईंग घोस्ट आणि अंडय़ाचा फंड या मराठी चित्रपटांमध्येही प्रेक्षकांना मृणाल? अभिनयाची जादू पहायला मिळाली आहे. ‘राधा ही बावरी’ या मालिकेद्वारे अभिनयात पदार्पण करणाऱया मृणाल ची उंच माझा झोका या मालिकेतील भूमिकाही स्मरणात राहण्याजोगी होती. बालवयातच गाठीशी आलेल्या अभिनयाच्या अनुभवावर मृणाल?ं भयभीत या आगामी मराठी चित्रपटात आणखी एक लक्षवेधी व्यक्तिरेखा साकारली आहे. हा सस्पेंस-थ्रीलर पठडीत मोडणारा चित्रपट असल्याचे शीर्षकावरूनच लक्षात येते. मृणाललने साकारलेली श्रेया ही व्यक्तिरेखा चित्रपटाच्या जॉनरला पूरक ठरणारी आहे. या चित्रपटात सुबोध भावे मुख्य भूमिकेत असून, प्रथमच अभिनेत्री पूर्वा गोखले मराठी चित्रपटाच्या पडद्यावर झळकणार आहे. मराठीतील या दोन दिग्गज कलाकारांच्या जोडीने मृणाल नेही पूर्ण ताकदीनिशी आपली भूमिका साकारली आहे. याशिवाय मधु शर्मा, गिरीजा जोशी आणि यतीन कार्येकर हे कलाकार या चित्रपटात आहेत. नकाश अझीझ यांनी या चित्रपटाला संगीत-पार्श्वसंगीत दिले आहे. अविनाश रोहरा, पवन कटारिया, समीर आफताब, प्रभाकर गणगे चित्रपटाचे सहनिर्माते आहेत. कथानकासोबतच आपापल्या व्यक्तिरेखांआधारे यातील कलाकार 28 फेब्रुवारीपासून प्रेक्षकांना भयभीत करण्यासाठी सज्ज झाले आहेत.
