ऑनलाईन टीम / रायपुर
रायपुर :- काँग्रेसचे ज्येष्ठ नेते आणि छत्तीसगडचे माजी मुख्यमंत्री अजित जोगी येणार हृदयविकाराचा झटका आल्याने आज रुग्णालयात दाखल करण्यात आले आहे. त्यांची प्रकृती अधिक नाजूक असल्याकारणाने त्यांना सध्या व्हेंटिलेटरवर ठेवण्यात आले आहे.
मिळालेल्या माहितीनुसार, अजित जोगी हे आज सकाळी नाश्ता करत असताना अचानक त्यांची तब्येत बिघडली. त्यानंतर त्यांना हॉस्पिटलमध्ये दाखल करण्यात आले. सध्या त्यांची प्रकृती नाजूक असून त्यांना व्हेंटिलेटरवर ठेवण्यात आले आहे. त्यांच्या सोबत हॉस्पिटलमध्ये त्यांची पत्नी आणि कोटा क्षेत्राचे आमदार रेणू जोगी तसेच अन्य नातेवाईक उपस्थित आहेत.
नारायण हॉस्पिटलचे संचालक डॉ. सुनील खेमका यांनी सांगितले की, अजित जोगी यांना आजच हॉस्पिटलमध्ये दाखल करण्यात आले आहे. त्यांची प्रकृती सध्या चिंताजनक असून त्यांच्यावर सध्या उपचार चालू आहेत.
दरम्यान अजित जोगी यांचे पुत्र आणि माजी आमदार अमित जोगी हे सध्या बिलासपूर येथे असून ते रायपूर येण्यासाठी निघाले आहेत.
