दोन लाखाचे दागिने जप्त : शहापूर पोलिसांची कारवाई
प्रतिनिधी /बेळगाव
चोरीप्रकरणी शहापूर पोलिसांनी दोघांना अटक केली आहे. बुधवारी ही कारवाई करण्यात आली असून त्यांच्याजवळून 2 लाख रुपये किमतीचे 50 ग्रॅम सोन्याचे दागिने जप्त करण्यात आले आहेत.
मार्केटचे एसीपी सदाशिव कट्टीमनी यांच्या मार्गदर्शनाखाली शहापूरचे पोलीस निरीक्षक विनायक बडीगेर, उपनिरीक्षक मंजुनाथ, साहाय्यक पोलीस उपनिरीक्षक आर. आय. सनदी, उदय पाटील, हवालदार ईश्वर बडीगेर, सुरेश कांबळे, एच. वाय. विभूती, महेश वडीयर, गंगव्वा इराप्पा पार्वती आदींनी ही कारवाई केली आहे.
शहापूर पोलीस स्थानकाच्या कार्यक्षेत्रात झालेल्या एका चोरीप्रकरणाचा छडा लावण्यात पोलिसांना यश आले आहे. त्यांच्याजवळून 50 ग्रॅम सोन्याचे दागिने जप्त करण्यात आले असून अटकेची प्रक्रिया पूर्ण करून त्यांना न्यायालयासमोर हजर करण्यात आले आहे. या कारवाईचे वरिष्ट अधिकाऱयांनी कौतुक केले आहे.
