बीजिंग :
कोरोना व्हायरसचा सर्वात प्रथम फटका बसल्यानंतर आता उत्तर-पूर्व चीनमधील हजारो लोकांना बॅक्टेरियल इन्फेक्शन झाले आहे. हे बॅक्टेरियल इन्फेक्शन लस बनविणारी सरकारी बायोफार्मास्युटिकल प्लान्टमधील गळतीमुळे पसरले. 30 लाख लोकसंख्या असणाऱया लांझू येथे जवळपास 3,245 लोकांना ब्रूसेलोसिस झाल्याचे आरोग्य अधिकाऱयांनी सांगितले. मेडिटरेनियन फिव्हर नावाने ओळखला जाणारा हा आजार संसर्ग झालेल्या प्राणी किंवा त्यांच्या उत्पादनांमधून पसरतो. या आजारात ताप, स्नायूमध्ये वेदना आणि डोकेदुखी अशी लक्षणे आढळून येतात. मात्र हा आजार एका व्यक्तीतून दुसऱया व्यक्तीत पसरत नाही. आतापर्यंत या संसर्गामुळे कोणाचाही मृत्यू झालेला नाही.
