चार्टर्ड अकौंटंट्स असोसिएशन अधिकारग्रहण समारंभ पार

बेळगाव : इन्स्टिटय़ूट ऑफ चार्टर्ड अकौंटंट्स ऑफ इंडियाच्या बेळगाव चार्टर्ड अकौंटंट्स असोसिएशनच्या पदाधिकाऱयांचा अधिकारग्रहण समारंभ नुकताच पार पडला. प्रमुख पाहुणे म्हणून सेंट्रल कौन्सिल ऑफ आयसीएआय, नवी दिल्लीचे सदस्य कांता श्रीनिवास उपस्थित होते. माजी चेअरमन राहुल अडके यांनी स्वागत केले. त्यानंतर नूतन चेअरमन नितीन निंबाळकर, व्हा. चेअरमन एम. एस. तिगडी, नूतन सचिव सचिन खडबडी, खजिनदार राजेंद्र मुदडा, एमआयसीएएसए चेअरमन संजीव देशपांडे, समन्वयक वीरण्णा मुडगोड यांनी पदभार स्वीकारला. यावेळी कांता यांनी देशाची अर्थव्यवस्था विकसित करण्यासाठी चार्टर्ड अकौंटंट्सची भूमिका महत्वाची आहे. आयसीएआय ही जगातील दुसऱया क्रमांकाची व्यावसायिक लेखा व वित्त संस्था असल्याचे सांगितले. नूतन अध्यक्ष निंबाळकर यांनी आपले मनोगत व्यक्त केले. सचिन खडबडी यांनी आभार मानले.