ग्लेनमार्क-डॉ.रेड्डीज लॅबमध्ये औषधी ब्रँडच्या अधिग्रहणासाठी करार

नवी दिल्ली : औषध क्षेत्रात कार्यरत असणाऱया दिग्गज कंपन्यांपैकी  ग्लेनमार्क कंपनीच्या विविध बँडचे अधिग्रहण करण्यात येणार आहे. यासाठी डॉ. रेड्डीज लॅबोरेट्रीज व ग्लेनमार्क यांच्यात करार झाला आहे. सदर ब्रँडच्यामाध्यमातून रशिया, यूक्रेन, कजाकिस्तान आणि उज्बेकिस्तान या ठिकाणी रेड्डीज लॅबच्या उत्पादनांतील पोर्टफोलियोत वाढ नोंदवली आहे. यावेळी हैदराबादची औषध कंपनी डॉ. रेड्डीज लॅब यांनी दिलेल्या माहितीनुसार ग्लेनमार्कचे मोमेट रीनो, मोमेट रीनो ऍडव्हान्स, ग्लेंसप्रे आणि ग्लेंसप्रे ऍक्टीव्ह यांचे अधिग्रहण होण्याचे संकेत आहे. या व्यतिरिक्त डॉ. रेड्डीज लॅब या औषधांचे ट्रेडमार्क राइट्स, डोजियर आणि संबंधित क्षेत्रांचे पेटेंटचेही अधिग्रहण करणार आहे. परंतु यावेळी कंपनीने सदर व्यवहार किती रुपयांना संपन्न होणार यांची कोणतीही माहिती दिलेली नाही. वरील माहितीनुसार कजाकिस्तानसह अन्य देशांमध्ये होणाऱया अधिग्रहणामुळे उत्पादनांचा पोर्टफोलियो वधारला असल्याचे डॉ. रेड्डीज लॅबचे मार्केट्स विभागाचे मुख्य कार्यकारी अधिकारी एम.व्ही.रमाना यांनी सांगितले आहे. याचदरम्यान ग्लेमार्कचे फार्मास्युटिकल्सचे रॉबर्ट क्रॉकार्ट यांनी म्हटले आहे, की रशिया आणि अन्य सीआयएस देशांमध्ये आपला ग्लोबल अँटी एनर्जी ब्रँड रयालट्रिसचे लाँचिंग करण्याची रणनीती बनविली जात आहे.