प्रतिनिधी / सडोली खालसा
सडोली खालसा ता. करवीर येथे ग्रामपंचायत निवडणूक सुरु आहे. आज सकाळी साडेसात वाजता मतदानास सुरूवात करण्यात आली. परंतु यावेळी प्रभाग क्रमांक दोनमधील ईव्हीएम मशीन बंद असल्याचे समजले. त्यामुळे काही वेळ या ठिकाणी गोंधळाची परिस्थिती निर्माण झाली होती परंतु, तासाभरातच येथे नवीन ईव्हीएम मशीन आणल्याने मतदान पुन्हा सुरळीत झाले. आमदार पी. एन. पाटील व माजी आमदार संपतराव पवार पाटील आदी आजी माजी आमदारांचे गाव असल्याने या ग्रामपंचायत निवडणुकीत परिसराचे लक्ष लागून राहिले आहे.
