गोलरक्षक धीरज सिंग एफसी गोवा संघाशी करारबद्ध

मडगाव : एफसी गोवाने आयएसएलच्या आपल्या दुसऱया टप्प्यात धीरज सिंग मोरयांगथेम या गोलरक्षकाला करारबद्ध केले. त्याचा हा करार साडेतीन वर्षांसाठी असेल. मणिपूरच्या या गोलरक्षकाचा 2017 साली भारतात झालेल्या 17 वर्षाखालील विश्वचषक फुटबॉल स्पर्धेत निवडण्यासाठी असलेल्या एआयएफएफच्या एलीट अकादमीत समावेश होता. 16 वर्षाखालील 2016 एएफसी अजिंक्यपद फुटबॉल स्पर्धेत भारताचे प्रतिनिधीत्व धीरज सिंगने केले होते. धीरज 2017-18 आय-लीग फुटबॉलमध्ये इंडियन ऍरोज संघालाही खेळला असून स्कॉटलँडमधील एएफसी बर्नमाऊथ अकादमीत प्रशिक्षण घेताना त्याने मदरवॅल एफसीलाही ट्रायल दिली आहे. 2018-19 आयएसएल केरळ ब्लास्टर्स, 2019-20 एटीकेसाठी खेळलेला धीरजने 14 सामन्यांतून 4 वेळा क्लीन शीट्स राखल्या आहेत.