प्रतिनिधी / कोल्हापूर
राष्ट्रीय दुग्धदिना निमित श्वेततक्रांतीचे जनक स्व. डॉ. वर्गीस कुरियन गोकुळतर्फे अभिवादन करण्यात आले. माजी चेअरमन अरूण नरके यांनी डॉ. कुरियन यांच्या प्रतिमेचे पूजन केले. यावेळी मुंबई येथे झालेल्या 26/11 च्या दहशतवादी हल्यातील वीरमरण पावलेल्या शूरविरांना तसेच देशाच्या सीमेवर सेवा करत असताना आपल्या शहीद जवान ऋषीकेश जोधळे, संग्राम पाटील यांनही आदरांजली वाहण्यात आली,
यावेळी अरूण नरके म्हणाले, स्व. डॉ. वर्गीस कुरियन यांनी नेहमीच सहकारातील संस्था मजबुतीकरणावर भर दिला.
संस्थेचा आर्थिक पाया भक्कम असल्याशिवाय दूध उत्पादकांना जास्तीत जास्त लाभ करून देता येणे शक्य नाही. याकरीता त्यांनी नेहमीच गोकुळसारख्या संस्थांना मार्गदर्शन केले. त्यांच्या विचाराने चाललेल्या गोकुळची आर्थिक परिस्थिती नेहमीच भक्कम राहिलेली आहे. डॉ. कुरियन यांचा ग्रामीण दूध उत्पादक शेतकऱयांवर प्रचंड विश्वास होता. म्हणूनच त्यांनी सहकारी संस्थेच्या माध्यमातून दूध उत्पादकांना सहकार्य करण्याची भावना ठेवली. त्यामुळेच गोकुळसारखा संघ आज देशामध्ये आघाडीवर आहे.
यावेळी गोकुळचे माजी चेअरमन रणजितसिंह पाटील, विश्वास पाटील, संचालक विश्वास जाधव, पी. डी. धुंदरे, उदय पाटील, कार्यकारी संचालक डी. व्ही. घाणेकर, बोर्ड सेक्रेटरी एस. एम. पाटील, व्यवस्थापक प्रशासन डी. के. पाटील, इतर अधिकारी व कर्मचारी उपस्थित होते.
