आबाजींसह धावले संचालक आणि कर्मचारी
कोल्हापूर : प्रतिनिधी
श्वेतक्रांतीचे जनक स्वर्गीय डॉ.वर्गीस कुरियन यांच्या जन्मदिनानिमित्त पाच किलोमीटर `वॉकेथॉन’ करुन गोकुळतर्फे त्यांना अभिवादन करण्यात आले. या उपक्रमात चेअरमन विश्वास पाटील यांच्यासह संचालक, कर्मचारी सहभागी झाले होते.
डॉ. वर्गीस कुरियन यांचे जीवनकार्याचे स्मरण करण्याकरीता वीस कोटी टन दुधासाठी वीस कोटी पावले चालण्याचे जगातील सर्वात मोठा वॉकेथॉनचे आहवान एन.डी.डी.बी (आनंद) यांचेमार्फत केले होते. त्यास प्रतिसाद देत शुक्रवारी सकाळी सकाळी 6 वाजता गोकुळच्यावतीने वॉकेथॉन करण्यात आले. ताराबाई पार्क कार्यालय ते ताराराणी चौकापर्यंत हा उपक्रम राबविला.
यावेळी गोकुळचे चेअरमन विश्वास पाटील, संचालक अजित नरके, बयाजी शेळके, कार्यकारी संचालक योगेश गोडबोले, बोर्ड सेक्रेटरी एस. एम. पाटील, डेअरी व्यवस्थापक अनिल चौधरी आस्थापना व्यवस्थापक डी. के. पाटील, संघाचे वरिष्ठ अधिकारी व कर्मचारी उपस्थित होते.
